الايجابيه

السلام عليكم ورحمة الله وبركاته

انا سعيدة جدا بوجودى النهاردة مع حضراتكم  وسعيدة اكتر بالناس اللى موجودة فى موضوعنا واتمني انى 

اقدر افيدكم واكيد انا كمان هستفيد منكم .

فعلا حسيت ان لسه جوانا امل لسه جوانا حماس لسه جوانا خير عايزين نتغير وعايزين نعمل حاجة

انا جاية النهاردة ادردش معاكم

بس الاول اعرفكم بنفسى اسمى تغريد احمد احسان 3 اداب اعلام قسم صحافة

طب قبل مااتكلم عن الايجابية عايزة اتكلم فى حاجة بسيطة 

احب ان كلنا نجدد نيتنا نقول يارب انا جاية اسمع علشان اطلع بنقطة تغيرنى 

يارب انا هحضر علشان فعلا انا عايزة اعيشها صح 

علكرة دا مش معناه انى بشك انك جاى تسمع علشان تستفيد 

كون انك فضيت نفسك علشان تحضر دا معناه انك انسان كويس جدا

بس انا بتكلم عن تجديد النية

زى ماانتو شايفين العنوان (يلا نعيشها صح )

بس احب قبل مااتكلم اسألكم سؤال

ايه هى نظرتكم للحياه

طب انت عايشها ازى

  

حابب حياتك كدا

ايه هى نظرتك للحياه الصح

عايزة اعرف هل انت عايش حياتك بالطول والعرض وزى ماتيجى تيجى معظمنا بيعمل كدا ويمكن كنت واحدة 

منهم دايما اقول هوجع دماغى ليه !!! ماخلاص !!!! زى ماتيجى تيجى

انا هعمل ايه !!!! وبجد خسرت كتييير

صدقونى هى كلمات بسيطة بنستخدمها لكن ليها تأثير كبير على انفسنا

تعرف انك لما تفضل تقول ( كبر _ نفض _ طنش _ وانا مالى _

هو انا اجى ايه جنبهم _ انا مش هقدر _ هو انا اللى هغير يعنى )

بسمع شباب بيقول طنش تعيش تنتعش وطنش تعيش تاكل قراقيش ههههه

و مش عارفة كبر الدى وروق الجى

وجمل كتييير بتخلى عندنا لا مباالاه وسلبية فى تعاملاتنا وفى حياتنا

جمل بتخلينا نخسر كتير واول حاجة بنخسرها انفسنا لاننا بندمرها لما نفضل نسمعها الكلمات دى

هتلاقى نفسك دايما بتهرب من المشاكل

بترميها على حد تانى هتلاقى نفسك مش قد انك تقف وتقول انا قدها لا هتلاقى نفسك تقول انا مالى هتلاقى نفسك تقول انا هفشل ومش هقدر

كل دا اسمه سلبية

ليه منعشهاش بإيجابية

تعرف ان الكون كله بيعزف بأوتار الايجابية ليه احنا بنعزف بإوتار التشاؤم والسلبية

ما اكتر احتياجنا للاجابية  فى الوقت اللى بنلاقى فيه الشباب بيحطم قدراته بإديه

صدقونى ان كل واحد جواه قدرات كثير جدا تخليك تبقى انسان ممتاز وانسان ايجابى

بس المشكلة فين انهم لسه مأخدوش القرار معندهمش رغبة طب لييييه ؟؟؟؟؟؟

اللى عايزة اقولوا ان اى حاجة فى حياتنا مهما كانت محتاجة دافع من جوانا

انت عايز تكون  كويس وممكن لو بصيت هتلاقى عندك وجوا قلبك معانى جمميلة بس فين الدافع اللى يخليك تقول انا هتغير النهاردة قبل بكرة لا ومش على قد كدا دا انت تاخد وعد من نفسك انك هتصبر مهما طال بينا الطريق

ناخد وعد ولا لسه شوية ؟؟؟؟؟ يلا ناخد نفس عميق ونغمض عنينا للحظة وحس انك اتولدت من جديد حس انك من الثانية دى هتعيشها بشكل مختلف بحب بعمل بأمل بإيمان بإيجابية بثقة بالنفس

ايه مفهومكم عن الايجابيه .0

ربنا سبحانه وتعالى خلق الكون وخلق فيه الانسان والحيوان والنبات والجماد وهب للانسان قدرات كتيرة 

وميزه عن سائر المخلوقات ومن اهم المميزات هى القدرة على الابداع والتأثير والتفاعل والتغيير والتطوير 

ووهبه قدرات عقلبة وفكرية بتساعده على كل دا ليه احنا مش راضيين نستخدم كل القدرات دى

فالإنسان الذي لا يقوم باستغلال هذه المميزات والقدرات هو انسان سلبي ليس لحياته أي قيمة. سوف يعيش 

ويموت دون أن يتحرك من مكانه. وستكون حياته حياة نمطية كئيبة لا يوجد بها روح.

فالإيجابية حياة... حياة بمعنى الكلمة للأفراد والمجتمعات؛

لأن السلبيين أموات وإن كانوا يدبون على ظهر الأرض بأرجلهم،

الايجابية دى هى روح الانسان بتخلى ليه قيمه فى الحياه

الايجابية لما تكون فى مجتمع بتخليه نابض بالحياه

هى صمام الامان للمجتمع

انت نفسك تكون ناجح صح وانتى نفسك تكونى ناجحة بس تعرفوا ان النجاح دا عمره مابيعرف اي شخصية

سلبية

اى شخصية تحط اديها على خدها وتستنى الفرج اى شخصية تيأس بسرعة تعرفوا ان الايحابية جزء لايتجزء

من الامل تعرف ان الانسان اللى بدون امل زى الزهرة بدون ماء يعنى مش هيعيش هى زيها بالظبط الانسان 

من غير ايجابية زى الانبات الدبلان اللى نفسه فى شوية مية عشان تنمو تانى

 

عشان تبقى شخصية ناجحة ومتميزة لازم تكون شخصية ايجابية شخصية متعرفش ايه هو معنى السلبية فى 

حياتها

شخصية عندها امل فى النهاردة وفى بكرة وفى بعد 10 سنين

شخصية متخفش من بكرة

اللى معندوش امل عمره ماهيكون عنده امل فى ان البلد هتبقى احسن بكرة

عمرة ماهيكون جواه طاقه تعمل حاجة (ماهى بايظة بايظة )

هتلاقيه بيرمى اللوم على الناس 

هيقول البلد والدنيا وافقه الحكومة سبب البطاالة

الناس مش فهمانى انا مش هكمل ومش هقدر انا همل ايه 

كل الكلام دا هدام وزى ماقولنا هيخسرنا انفسنا

علفكرة قبل مايكون عندك امل لازم يكون عندك ثقة فى ربنا 

ربنا بيقول ( انا عند ظن عبدى بى فليظن عبدى بى ماشاء )

يعى هتقول انا هفشل حاجة اكيدة انك هتفشل لانك متوكلتش على الله

هسألكم سؤال
هل الاخرين لهم تأثير على طموحتنا اذا كانت سلبا او ايجابا ؟