ImageShack, free image hosting, free video hosting, image hosting, video hosting, photo image hosting site, video hosting site

الثلاثاء، 26 أكتوبر 2010

الثقه بالنفس(4)

23 التعليقات

رابعا مفهوم:تقديرالذات:


هناك بعض الناس لا يحب أنفه مثلا ،أو لا يحب شعره ،أو أي جزء منه..
الآن :يجب أن تحب نفسك كما أنت ولا تحقر من أي شيء من شخصيتك ولا من جسمك .

*
عندما كان الدكتور يلقي إحدى المحاضرات ..أخرج من جيبة 20 دولارا وقال : من يحب أن يأخذ هذه الدولارات...


فرفع الجيع أيديهم...فبدأ يقبض عليها ويزيد الضغط حتى تكرمشت.. ثم سأل:من يريدها الآن ...فرفع نصف الموجودين أصابعهم..
فرماها الدكتور على الأرض وداسها بقدمه حتى اتسخت ... ثم قال: من يريدها الآن فلم يرفع يده إلا 3
فقال الدكتور : لو ذهبت إلى بنك بهذه الدولارات العشرين القديمة كم سيعطيني بدلا منها..
فقالوا 20 دولار .
-
فقال كذلك هي قيمة الإنسان مهما حدث له لا تتغير قيمته

وهكذا فابدأ الثقة بنفسك وضع نفسك في الفعل وكلما أنجزت جديدا افرح به
اجعل وقتا للثقة وتكلم بحديث الثقة واعمل أعمال الثقة.


|*
والآن هيا...فنحن أفضل مخلوقات الله ..ولدينا قدرات لا محدودة..

-
تذكر:كل سعادتك في قلبك...عش كأنها ؟آخر لحظة ..عش بالإيمان بالله سبحانه وتعالى ..عش بالحب والتفاؤل..وقدر قيمة الوقت










الثقة بالله ..

أمر عظيم معظمنا غافل عنه  بجد مااحزجنا النهاردة للثقة دى عشان نعيد توازن حياتنا المنهارة بس الاول احب اسأل ايه هى الثقة بالله والتوكل على الله

الثقة بالله..
افضل امثلة نضرب عليها الثقة والتوكل على الله
هنلاقيها فى ابراهيم لما قرروا انهم يرموه فى النار خلاص حطوه فى المنجنيق وهيرموه جاله جبريل وقالوا الك حاجة لو انت مكانه هترد ازاى ( الحقنى ..... طلعنى انقذنى صح ....... لكن هو لا قال اما منك فلااا يعنى اعتمادى مش عليك  واما من الله فنعم هو الوكيل هو اللى انا اثق فيه .......واما من الله فنعم علمه بحالى يغنيه عن سؤالى ويفضل يردد بعزة وبثقة فى الخالق ( حسبنا الله ونعم الوكيل )
فجاء الأمر الإلهي: يانار كوني برداً وسلاماً على إبراهيم



الثقة بالله..

نلاقيها في هاجر لما مشى زوجها ووسابها تركها في واد من غير ماية ولا زرع..
صحراء يابسة وشمس محرقة
 بصتله وقالت  يا إبراهيم لمن تتركنا؟  
قالتها بس لتسمع منه كلمة يطمئن بها قلبها
..فلما قالها ان دا امر من ربنا سبحانه وتعالى  قالت بعزة وبثقة بالله ..
(( إذا لا يضيعنا ففجر لها ماء زمزم وخلد سعيها.. ))
ولو كانت ضعفت او قل ثقتها فى الله عمر ربنا ماكان وقف جنبها ولا خلانا نتنعم ببركة ماء زمزم



الثقة بالله..

نلاقيها في القوم الذين قيل لهم ..إن الناس قد جمعوا لكم فاخشوهم..  فكانت ثقتهم بالله أكبر من قوة أعدائهم وعدتهم.. فقالوا بعزة الواثق بالله: حسبنا الله ونعم الوكيل ..فانقلبوا بنعمة من الله وفضل لم يمسسهم سوء !


الثقة بالله..
نلاقيها في ذلك المحزون الذي اللى فضل يدورعلى حد يقضى عنه الدين ملقاش حد غير ربنا سبحانه وتعالى فضل يصلى ويبكى ويتوسل بصدق وبثقة ان ربنا هو الوحيد اللى هينقذه ويفك ازمته  ..فربنا سبحانه ووتعالى لما عرف صدق نيته اسقط عليه صره من السماء قضى بيها دينه واصلح امره

عندنا ايات كتير بتحثنا على التوكل على الله بسم الله الرحمن الرحيم
( فإذا عزمت فتوكل على الله )

( قل من بيدة ملكوت كل شىء وهو يجير ولا يجار عليه )
( وتوكل على الحى الذى لايموت)
ان ينصركم الله فلا غالب لكم
وايات كتير وكتير
الثقة بالله..


هعدلكم تانى قصة كنت اتكلمت عليها قبل كدا واستفنا منها ازاى كانت ثقته فى ربه كبيره ازاى كان قلبه مليان توكل على الله
ازاى كان ماشى بمدأ يقينى بالله يقينى وازاى ربنا سبحانه وتعالى لما لقاه كدا مخيبش امله ولا ظنه ووفقه
الشخص دا فعلا الواحد يفخر بيه عن نفسى بكن ليه كل احترام وتقدير واتمنى انى اشوف كل الشباب والبنات زيه كدا

لو فاكرين هو قرر يحضر الدكتوراه جمع رسالته وظبطها وفضل يذاكرها زوجته دايما كانت بتشجعه بس لما لقت ان اللى داخلين 6 3 لتانى مره يناقشوا الرساله وواحده قريبه العميد واتنين هما الدكتور وصاحبوا
والمفروض اللى ينجح اربعه فالطبيعى مين اللى ينجح 3 اللى عايدين واللى معاها واسطة
واللى يصقد هو الدكتور وصاحبوا
تبص لزوجها تلاقيها بيذاكر وعنده امل كبير جدا جدا انه ينجح تبدأ تخاف لان اللى بيحط امل كبير جدا وميحصلش ممكن يجيله اكتئاب
طب تعمل ايه فضلت فى كل مرة تقولوا الطبيعى انكم مش هتنجحوا ايه يعنى ياسيدى على الاقل تدوق طعم السقوط مرة والمرة التانية تنجح زى زمايلك كان رده فى كل مره لا والله انا واثق وربنا عمره ماهيكسفنى
ادبا يقينى بالله يقينى صدقينى هنجح وهكون الاول كمان ومن اول مرة عمره مامل ولا سمع كلامها ولاقالها
تصدقى ممكن ولا يفكر ولا حتى يقول ربنا يستر ابدا مكنش على لسانه يقينى بالله يقينى وماتوفيقى الا بالله
تنام وتقلق بالليل تلاقيه صاحى وساجد وبيبكى ويدعى يارب انا مليش غيرك يارب انا واثق فيك يارب انا عملت كل اللى عليا وانت مش هتكسفنى يارب انت قولت انا عند ظن عبدى بى وانا واثق انك هتوفقنى وهكون الاول كمان زوجته كانت تبكى
وفضل كدا لغاية ماجت النتيجة اتصل الدكتور مصطفى رئيس اللجنة ربنا يرحمه وقال الدكتور جمال نجح وطلع الاول كمان زوجته سجدت شكر لربنا
تعرف حصل ايه 6 نجحوا
بعد الاختبار بيشوفوا النتيجة لقوا اقل واحة هى قريبه العميد محتاجة 6 درجات للنجاح
وكل واحد محتاج درجة اتنين تلاته بالكتير الا الدكتور الوحيد اللى جاب النتيجة وبتفوق فادوها 6 درجات ورفعوا كل واحد فكل ال6 نجحوا

وهى دلوقتى استاذ ورئيس قسم بكلية الطب جامعة الزقازيق

 ياللى عايز الهداية ..
فين ثقتك بالله ؟

يااللى عايز النجاح و السعادة ..
فين ثقتك بالله ؟


وقال ربكم أدعوني أستجب لكم ..
فهل هناك أصدق من الله؟؟ يصدقك

ومن يتقى الله يجعل له مخرجا ويرزقه من حيث لايحتسب


ربنا سبحانه وتعالى عايزك تاخد بالاسباب وبعدين تتوكل عليه

ها يلا احنا حددنا هدفنا اخدنا العزيمة يلا نبدأ نحقق ونتوكل على الله
يلا


اللهم من اعتز بك فلن يذل،
ومن اهتدى بك فلن يضل،
ومن استكثر بك فلن يقل،
ومن استقوى بك فلن يضعف،
ومن استغنى بك فلن يفتقر،
ومن استنصر بك فلن يخذل،
ومن استعان بك فلن يغلب،
ومن توكل عليك فلن يخيب،
ومن جعلك ملاذه فلن يضيع،
ومن اعتصم بك فقد هدى إلى صراط مستقيم،
اللهم فكن لنا وليا ونصيرا، وكن لنا معينا ومجيرا، إنك كنت بنا بصيرا


اللهم ثبت محبتك في قلوبنا وقوها ووفقنا لشكرك وذكرك وارزقنا التأهب والاستعداد للقائك واجعل ختام صحائفنا
كلمة التوحيد (أشهد ان لا اله الا الله ,,,,,,,,,,,, ,,,,,واشهد ان محمد رسول الله
).

وصلى الله على نبينا محمد وعلى آله وصحبه أجمعين
رب اغفر لي ولوالدي ولمن دخل بيتي مؤمناً وللمؤمنين والمؤمنات

الثقه بالنفس(3)

5 التعليقات


خلاص انا اتوفرت فيا الصفات اللى فاتت .........طيب اعمل ايه بقى عشان الناس تثق فيا .......اكيد طبعا مش بالاكراه وبالتسلط ولا انك تمسك حد من هدومه وتقوله انت مبتثقش فيا ليه لاطبعا الثقه بتيجى بالحب ......


تعالى بقى اقولك على علامات نجاح الواثقين مع الناس
1/ لايجدون صعوبه فى التأقلم
2/ يسيطرون على قلقهم واضطراب انفسهم
3/ بيتعاملوا بسهوله ومرونه
4/ مش ببقلب حالتهم المزاجيه ولابيتأثروا بمكان ومكان لا


واول تنمية للنجاح هو اختيارك للانسان اللى هيدعمك اللى مش هيحبطك ولا هيقلل من ثقتك فى نفسك وثقتك انك هتقدر


كل ررغبة بتحتاج لجهد كل واحد فينا اكيد عنده رغبه انه ينجح بس زى ماقولنا قبل كدا حد عنه امل حقيقى وحد عنده امل خيالى ياترى انت مين فيهم

صدقونى قدراتنا ملهاش حدود ليه احنا بنحد ليها حد
ونلاقى لما يطلب مننا حاجة نقول لا انا مقدرش اصل قدراتى كذا ليه انت بتجنى على نفسك بالكلمات دى

حاول تنمى فى نفسك الارادة القوية 

اللى عمرها مابتعرف الفشل والمستحيل اللى عمرها مابنتطق انا مش هقدر

الارادة انك تحب حاجة وتسعى انك توصل ليها ودا هييجى لما تقوى ثقتك بنفسك

نم فى نفسك القدرة على اتخاذ القرار بنفسك بعيد عن اى ايحاء

ثقتك بالنس وخاصة اصدقائك دا هيخليك واثق من نفسك لانهم هيثقوا فيك بس دا هيحتاج منك جهد



 عايزة اسأل
احنا ليه معدناش ثقة فى نفسنا ؟

1-  التربية الغلط بعض الاسر بيربوا اولادهم على الخوف مبيحترموش ارائهم ولا وجهات نظرهم بيعاملوهم معامله قاسية  ميحترموش 

2-  الاحباط والفشل دا بييجى من كتر مابتتحدث مع نفسك ان مفيش حد بيحبك
   او انك متحققش اللى انت عايزه او تلاقى انتقادات كتير 

بس زى مااتفقنا اننا عشا ننجح لازم نكون ناس صماء عن اى سلبيات ومحبطات
ممكن برضو انك تحس انك ولا حاجة ازاى انك تكلم نفسك هو انا عايش ليه هو انا عملت ايه انا انسان تافه كل الحاجت دى بتخليك تفقد الثقة 

3-  الخوف وعدم الامان والقلق المستمر الخوف من انى مثلا انجز فى الحاجه دة عشان عندى اعتقاد ان الناس هيلومونى وتحاسبنى فبهرب من المواجهه ودا بيخلينى ضعيف مع نفسى

4-  الانتقادات والمقارنات

اوعى تعجز انك تتكيف مع الظروف اوعى تخلى الازمات تخليك تنهار
اوعى لما تلاقى نفسك مش عارف تتفاهم مع اللى قدامك انك نتفعل لا حاول انك تتفهم لان العاجز عن التفاهم هيخلق منه انسان محبض غير واثق من نفسه
اوعى فى يوم تلجأ للانتقام لان دا هيخلى جواك انسان قاسى عمره ماهيثق بنفسه ولا فى اللى حواليه اوعى تخلى فشلك فى تحقيق هدفك يأثر على ثقتك بنفسك افتكر ان الفشل هو بداية النجاح اوعى تخلى الدنيا تتوقف لمجرد فقدانك لحد بتحبه

فى غزوة احد طلعت اشاعة ان النبى قتل فلما عرفوا جلس الصحابة وبكوا فلما شافهم انس بن النضير وقالى لماذا تجلسون هنا قالوا لقد مات رسو الله
فعشان يرجع ثقتهم فى نفسهم تانى قالهم ايه (خدوا بالكم ) قوموا وموتوا على مامات عليه رسول الله (ص)
يعنى هما بإعتقادهم ان الرسول مات انت كمان موتوا زى ماالرسول مات هومات وهو بيدافع عن الاسلام انت كمان لازم تدفعوا زى قدوتكم
المقوله دى احييت ثقتهم ورجعوا تانى وحاربوا

اوعى تخلى حياتك كلها روتين خليها دايما فيها انجازات ولو بسيطة بس دا هيخلى عندك ثقة بنفسك

خلى بالك ان العجز بيتولد ضعيف والانسان هو اللى بيقويه جواه من كتر مابيردد كلمات بتزود عنه السلبية والامبالاه

النبى دائما كان يستعيذ من العجز والكسل ( اللهم انى اعوذ بك من العجز والكسل )

عشان نتجنب العجز ويكون عندنا ثقة بنفسنا انك تقرب من ربنا تدعيه تبعد عن كل حاجة تغضبه اعتدل فى حياتك اجعل الحب والتفاهم هما اسمى صفاتك ابعد عن القلق والاكتئاب والنظرة السوداء للحياه
قوى مناعتك بثقتك بنفسك


تحدث نفسك انك فعلا انسان قادر ومسئول دايما قول لنفسك ليه مكنش انا

لو بصينا هنلاقى مصعب بن عمير كان اول سفير للاسلام وعمره متاجوزش 20
اسامة بن زيد تولى قيادة جيش وعمره 18
على بن ابى طالب كان رمزا للشجاعة وعمره 13
ايه السر فى كدا اهه هما شباب زىى وزيك
السر فى ثقتهم فى نفسهم الى جعلهم يفجروا طاقاتهم بنجاح وتفوق

ثق بنفسك ب3 حاجات
1-  انك تقول انا شخص مسئول
معناها تصرفاتك قدرتك على التحمل للصعاب والمهام

2-  قول انا شخص واثق من نفسى
3-  العظماء والعلماء مكنوش يمتلكوا اى قدرات اكبر من ثقتهم بنفسهم
خاضوا الاهوال وتحملوا الصعاب ووصلوا

4-  قول انا انسان قادر
قادر على مواجه المشاكل  ثابت دايما وعندى قدرة على النجاح انت قادر على الابتعاد عن القلق والخوف من اى محاولة جديدة خلى عندك حب للمغامرة
خليك قادر على انك تجعل مشكلتك بداية لنجاحك فالنجاح بيخلى عندك ثقة

ثقتك بنفسك هيفجر فيك الايجابية لان كل ما تزيد المشاعر الايجابية جواك هيدعم ثقتك بنفسك  محدش هيقدر يحترم







*
كان هناك رجل متسول ...يبحث عن طعامه في القمامة، وبالقرب منه كان هناك رسام يرسمه...فلما انتهى الرسام جعله يرى الصورة (وكان الرسام قد رسمه ولكن بصورة أكثر سعادة وتفاؤل)

فتساءل المتسول :هل هذا الرجل هو أنا؟ ..
فقال له الرسام :..نعم ..أنت أفضل مخلوقات الله في الكون..
حينها اكتشف المتسول أنه كان يرسم لنفسه صورة داخلية سيئه ..وقرر تبديلها ..وقد أصبح لاحقا من المشاهير...

ثالثا مفهوم:المثلا الاعلي الداخلي :

وهو الطموح والدرجة التي تريد الوصول إليها ولكن المهم الفعل.


الثقه بالنفس (2)

0 التعليقات

:هل أنت واثق في نفسك؟
هل تشعر بقدراتك وقوتك؟

اساس الثقة بالنفس هو الاحترام، احترامك لذاتك. كلما كان احترامك لذاتك اكبر كلما كانت ثقتك بنفسك اكثر



إن الثقة بالنفس هي طريق النجاح في الحياة،اوعى تقع تحت اى مشاعر سلبية تخليك متردد ومش واثق فى امكانياتك وقدراتك واوعى تخلى طاقتك تهدر  خليك فاكر ان السلبية والتردد وعدم الاطمئنان للإمكانات هو بداية الفشل،
ادرك طاقاتك وامكانياتك واستغلها واوعى تخليها تضيع منك هدر لمجرد شعور غلط انت دخلته لنفسك انك مش واثق من نفسك

فى كتاب 'الحرب عبر التاريخ': 'أهم مميزات الجيوش الإسلامية لم تكن في المعدات أو التسليح أو التنظيم, بل كانت في الروح المعنوية العالية'.




مثال

هناك امرأه تعيش في هاواواي...متزوجة ولها 6 أولاد ...محدودة النشاط..وبعد فترة مات زوجها وكان هو مصدر رزقها الوحيد..فحزنت ،واغتمت ،وذهبت إلى كبير عائلتهم تشكو إليه ذلك...فدلها على رجل يملك (موتيل) صغير ، ربما جعلها تعمل فيه ...
فلما ذهبت قال لها: ماذا تجيدين قالت: لاشيء إلا الأن أمسح وأكنس ..و..و(أشغال منزلية) فعينها في هذه الأعمال في الفندق ..فبدأت العمل بحماس ..ونشاط ..وبعد فترة أعجب الرجل بنشاطها فأخبرها بذلك وعينها مديرة للعمال ..وبدأت تتعلم القراءة والكتابة ففرح بها أولادها فزادت عملا ونشاطا وثقافة...... وبعد فترة .. قال لها: هل تشاركينني أنت بالعمل والنشاط وأنا بالمال....وبعد فترة أصبحت هي صاحبة الفندق بعد أن اشترته من صاحبه..
فلما سألها الناس عن سر ذلك قالت :الثقة في النفس والأيمان بالله.


*
أعلنوا عن مسابقة في توزيع نوع معين من البسكويت..والجائزة هي تذكرة سفر حول العالم ..فاشتركت بنت عمرها 7 سنوات .. فلما فازت سألوها عن سر ذلك .....قالت:
1 -
الثقة في النفس.
2-
كان عندي سبب قوي كي أكسب لأان أمي تعبت كثير من أجلي وكنت لازم أرد لها الجميل فقررت الفوز في هذة المسابقة...فكانت تمر على البيوت وتقول أمي تعبت عن أجلي كثيرا وأريد أن أكافئها برحلة حول العالم...كم علبة سوف تشتري؟ فباعت أكثر من 30 ألف علبة (تقريبا)

ودا اللى اتكلمنا فيه المره اللى فاتت انك لما تكتب حلمك شوف انت عايز تحققه ليه
يعنى حط حافز ليك دا هيخليك تنجح



تعالوا نشوف انواع الثقة


1ـ أولاً الثقة المطلقة بالنفس:

هى الثقة اللى عمرها ماتهتز ولو قابلت ميت مشكله  هى الثقة اللى عمر الشك مايدخل ليها هى الثقة اللى صاحبها بيواجه الحياه والصعاب بدون خوف من الفشل صاحبها عمره مايستسلم لانه يتحدى المستحيل ( انك لاتستطيع ان تهزم من لايستسلم ) صاحبها مبيهموش انه يواجه المشكله دا كل اللى يهمه انه يتعايش فى ظل الازمات بدون ماتأثر فيه  الفشل بالنسباله طريق هيوصله للى هو عاوزه
 فشله فى حاجة مش نهاية الدنيا بيقوم تانى ويحاول تانى
صاحبها بيعترف بخطأه الاعتراف بالخطأ ثقة بالنفس وشجاعه والموضوع مش انك تعترف بخطأك بس لا دا كمان تبدأ تصلحه مش عيب ان الانسان يلاقى فيه غلط ويصلحه ويعدل من نفسه للاحسن


2ـ ثانيًا: الثقة المحددة بالنفس:

هتلاقى الثقة دى فى مواقف معينة وفى مواقف اخرى الثقة بسيطة وتكاد تكون معدومة يعنى تلاقى حد واثق فى علمه بس فى خبرته فى عمله بس هنا بيكون فيه مشكله ان هتلاقى فيه صراع غير محمود والغلبة للاقوى سواء بالثقة او عدمها ممكن لو حصل منه خطأ فى حاجة وفشل تقل الثقة تماما

الشخص اللى مش واثق من نفسه بيفقد القدرة على اكتشاف قدراته
من فين هيكتشف قدراته ومواهبه بعد ماغطاها الضعف وتراب الفشل والاستسلام

اياك انك تردد ... أنا مش واثق في نفسي  انا مش هقدر انا هفشل ارجوكم زى ما اتفقنا ان الكلمات دى بتولد جوانا كل المشاعر السلبية اللى بتخسرنا انفسنا
ومرة فى مرة  هتعمم عدم الثقة على كل أجزائك وأفكارك..
وهتلاقى نفسك بعيييد جدا عن حلمك اللى نفسك فيه

انا والكورس

ـ سئل نـــابليـــــون :
كيف استطعت أن تولد الثقة في نفوس أفراد جيشك .؟!
فأجاب : كنت أرد على ثلاث بثلاث ؟؟
-
من قال لا أقدر ... قلت له ... حاول .
-
من قال لا أعرف ... قلت له ... تعلم .
-
من قال مستحيل ... قلت له ... جرب .
كلمات بسيطة وسهلة ولكنها ذات تأثير كبير في النفس فقط نحن محتاجون للإيمان بمدى تأثير هذه الكلمات فهل سنحاول ونتعلم ونجرب ؟؟

متقلش انا مش واثق فى نفسى

لأن العقل سوف يؤيدك ويؤكد اعتقادك المعمم.....
صدقنى
من غير الثقة في النفس تعيش في اكتئاب..
من غير الثقة في النفس تعيش في خوف.

بالثقة في النفس تحب نفسك والناس
وتتعرف على قدراتك
وتكسب حب التعامل مع الناس


اوعى تتوقف عن تنمية نفسك بالتدرج

صفات الناجحين موجودة كل واحد فينا وعشان كدا علينا مسئولية اننا ننمى الصفات دى الامر عمره مابييجى بسرعه وكل حاجة بالتدريج انت اتولدت طفل وبعد كدا بدأت تكبر شوية شوية وكل مرة بتكتسب حاجات جديدة
احنا محتاجين وقفه مع النفس


خلى بالك ان ورا كل ناجح صديق
ثق بالناس وخليهم هما كمان يثقوا فيك

انت تثق بالناس انك تخلى عندك حسن ظن بيهم وعلفكرة بمدى ثقتك بالناس هتلاقى الناس بتصق فيك
عندنا  حاجات بتعزز الثقه دى اتكلمنا عليهم فى كورس افتح قلبك
1/ لازم يتوفر فيك الصدق والاخلاص والامانه وانك تسأل ربنا دايما التوفيق
2/ انك دايما تهتم بأصدقائك تسأل عليهم تشاركهم اعمالهم تخصص يوم تقعد مع كل واحد فيهم على انفراد هتلاقيهم هما بيثقوا فيك بيستأمنوك على اسرارهم
3/ اسلوبك يكون صريح وليس جارح انك تكون ودود معاهم تغفرلهم اخطائهم تشعرهم بالاستقلاليه ومتكونش مسيطر تاخد برأيه واقتراحاته بفكره احترم وجهه نظره
4/ تشعر صاحبك انه شخص مهم عندك وتقدره .....الرسول ......
5/  لما تتكلم معاه كلمه بلهجه حب وود خرج مشاعرك
6/ خلى عندك فن الانصات واسمع كويس لكلامه
7/ متقولش انت غلط ومش تتفنن فى صيد اخطائهم
8/ خليك فعلا مخلص فى تعاطفك مع الناس وميكونش صحبيتك دى وراها اى مصلحه شخصيه ........اتعلم معنى الحب فى الله
اتجنب الجدال والنقاش اللى ممنوش فايده
متكابرش لو احتجت مساعده من حد ......
خلى عند حد من اصحابك سر حتى لو مش كبير وتأمنه عليه دا هيخلى الشخص يشعر بمكانته عندك بالتالى هو هيبادلك نفس الشعور ولما يكون عنده مشكله كبيره هيحكيهالك ........
دا هيخليهم يثقوا فيك وعلفكرة الكلام دا كله من تجربه شخصيه ......

الثقه بالنفس (1)

2 التعليقات


بسم الله الرحمن الرحيم والصلاه والسلام على النبى الامين
محمد بن عبد الله خير المرسلين عليه افضل الصلاه والسلام

رب اشرح لى صدرى ويسر لى امرى واحلل عقدة من لسانى يفقهوا قولى



البعض يعتقد انهم لم ولن يكونوا  احيانا الاحلام تكون صعبه الوصول .....ولكن عليك بالاستمرار
مهما كانت المسافات بعيده ....... ان كنت تؤمن بحلمك ...فأعلم انك ستجعل الحلم حقيقة
نعيب الزمان والعيب فينا وما للزمان عيب سوانا ونهجوا ذا الزمان بغير زنب ولو نطق الزمان لنا هجانا

يمضى الزمان وتطوى الايام هذه يوم جديد وعلى عملك شهيد فأين السعى والتجديد ماذا عن احلامك
ماذا عن انجازاتك ....... هل هذا ماتريد الى متى السكون الضعف خلق الاعزار الضياع

تريد ان تكون ولكن لماذا تردد الزمان والمكان والفشل المتردد الخوف الظروف

لاتلقى باللوم على من حولك ولا تستسلم للفشل آمن بقدراتك وبإبداعاتك امن بنفسك
اخرج من اعماقك لاتنتظر التغيير ابدأ بنفسك اولا انت تستطيع ويمكنك فعل كل ذلك
الطموح الامل طرد الخوف عدم الاستسلام التوكل الفعل  هما اساس النجاح
هيا ان الاوان لننطلق ونستمتع بالحياه
هيا لنحقق التغير
هيا لنستمتع بالمسئولية


السلام عليكم ورحمة الله وبركاته
فى االاول بوجه اعتزارانى غيرت الميعاد وكان يوم الجمعه بدل السبت ودا لظروف خارجه عن ارادتى وبوجه اعتزار للناس اللى محضروش معانا المرة اللى فاتت

سعيده جدا بوجودى معاكم للمرة التالته فى كورس عشها بشكل تانى عايزة اسأل سؤال وبجد عايزة اجابته .........اهل انتم بتيجوا تسمعوا الكورس وبعد مايخلص خلاص .....ولا بجد بعد مابيخلص بتفكر فى الكلام بتحاول تاخد خطوة عمليه فى حياتك .........احنا فى


اتكلمنا المرة اللى فاتتكنا اتفقنا على حاجة مين بقى اللى عملها ........علفكرة احنا بنوزع جوايز عينيه وماديه ......للمشاركين .........



الامل زى الزهرة اللى بجمالها بتجذبنا ليها وتخلينا نحاول نحافظ عليها
الامل هو قارب حياتنا اللى هيعدى بينا بر الامان
هو الشمعه اللى هتنور الظلام
بالامل هنقدر نعيش بكرة وتستمر حياتنا


الإيمان يبعث في النفس الأمل:
فعلا دى حقيقة فالإيمان يبعث في النفس الأمل ويدفع عنها اليأس والأسى.
لان المؤمن بيشوف  أن الأمور كلها بيد الله تعالى فيحسن ظنه بالله ويرجو ما عنده من خير.

الامل ضد اليأس والقنوط لان اليأس بيحطم كل جميل فى النفوس بيهدم كل دواعى العمل

وَلا تَيْئَسُوا مِنْ رَوْحِ اللَّهِ إِنَّهُ لا يَيْئَسُ مِنْ رَوْحِ اللَّهِ إِلاَّ الْقَوْمُ الكَافِرُونَ }


فى وجود الامل هيتولد اليقين وفى وجود اليقين هيتولد الحب وفى وجود الحب هيحصل المعجزات



عندنا نوعين من الامل
امل خيالى وامل واقعى

اتفقنا اننا نكتب حلمنا
يلا نتفق نحط حلم ونبدا اننا نحققه
يكون شعارنا امل + همة + ثقة بالله + حب للعمل +هدف = نجاح




الثقة بالنفس هى الايمان بنفسك بأهدافك بطموحاتك بذاتك
الايمان بالذات هو طرق النجاح
والتردد والخوف والكسل هما اساس الفشل وانك تخسر نفسك
ايه اللى كسبه الانسان لو فاز بكل حاجة وخسر نفسه

هل الثق بالنفس تعنى الغرور

فيه فرق كبير بين الغرور والثقة بالنفس

زى مااحنا عارفين ان فيه 3 ابعاد للشخصية

وهي رؤية الشخص لنفسه،
ورؤية الآخرين له،
وكما هو على حقيقته،

فإن الشخص لو شاف نفسه اكبر من اللى الناس شايفاه عليه واكبر من حقيقته دا هيخليه يصاب بالكبر والغرور
ولو شاف نفسه اقل من اللى الناس شايفاه عليه دا هيصيبه بعد الثقة بالنفس
عشان كدا الافضل هو الوسط بين الطرفين لاتشعر بالعظمة ولا تنقص من قدرك

اهم حاجة عشان يكون عندك ثقة بنفسك لازم تحدد قدراتك الانسان زى مااتفقنا جواه قدرات كبيرة ربنا خلاها فيه وميزه بيها عن جميع المخلوقات فى منا اللى بيتخدمها وفيه نا اللى راكنها
اهم حاجة اننا لما نكتشف قدرة جوانا او ميزة نقول الحمد لله
ولان شكرتم لازيدنكم

تعالى نشوف سيدنا سليمان ربنا علمه لغة الطير
ولما سمع النمل وهى بتنادى على صحباتها ادخلوا مساكنكم ليحطمنكم سليمان وجنوده

سليمان عمل ايه تبسم ضاحكا من قولها وقال ربى اوزعنى ان اشكر نعمتك التى انعمت على

على الرغم من ثقته بنفسه وهو عارف انه عنده القدرة على فهم كل الطيور والحيوانات منساش شكر ربنا



وماتوفيقى الا بالله

الثقة بالنفس هتيجى من تحقيقك لهدفك

الامل (3)

0 التعليقات

السلام عليكم ورحمة الله وبركاته

احلم معايا ببكره جاى ولو مجاش احنا نجيبوا بنفسنا نبدأ نحاول فى الطريق كتر الخطاوى تدلنا على حلمنا
مهما نقع نقدر نقوم نشق نتحدى الغيوم مهما نقع نقدر نقوم نشق نتحدى الغيوم نلاقى نلينا الف يوم بس احنا نحلم

الأمل
يُحكى أن قائدًا هُزِمَ في إحدى المعارك

، فسيطر اليأس عليه، وذهب عنه الأمل،

فترك جنوده وذهب إلى مكان خال في الصحراء، وجلس إلى جوار صخرة كبيرة.
وبينما هو على تلك الحال، رأى نملة صغيرة تَجُرُّ حبة قمح، وتحاول أن تصعد 

بها إلى منزلها في أعلى الصخرة، ولما سارت بالحبة سقطت منها، فعادت 

النملة إلى حمل الحبة مرة أخري. وفي كل مرة، كانت تقع الحبة فتعود النملة 

لتلتقطها، وتحاول أن تصعد بها...وهكذا.
فأخذ القائد يراقب النملة باهتمام شديد، ويتابع محاولاتها في حمل الحبة مرات

  ومرات، حتى نجحت أخيرًا في الصعود بالحبة إلى مسكنها، فتعجب القائد

  المهزوم من هذا المنظر الغريب، ثم نهض القائد من مكانه وقد ملأه الأمل

  والعزيمة فجمع رجاله، وأعاد إليهم روح التفاؤل والإقدام، وأخذ يجهزهم 

لخوض معركة جديدة.. وبالفعل انتصر القائد على أعدائه، وكان سلاحه الأول

هو الأمل وعدم اليأس، الذي استمده وتعلمه من تلك النملة الصغيرة.


ونفتكر قصة الراجل اللى  قتل تسعة وتسعين نَفْسًا، وكان عايز يتوب إلى الله

-تعالى- فسأل أحد العباد الزهاد: هل تجوز لي التوبة؟ فأجابه ذلك العابد: لا.

فاغتاظ الرجل وقتله وأكمل به المائة،
وبعد أن قتله زادت حيرته وندمه، فسأل عالـمًا صالحًا: هل لي من توبة؟

فقال له: نعم تجوز لك التوبة،ولكن عليك أن تترك القرية التي تقيم فيها لسوء أهلها وتذهب إلى قرية أخرى أهلها صالحون؛ لكي تعبد الله معهم 
 .
فخرج الرجل مهاجرًا من قريته إلى القرية الصالحة، عسى الله أن يتقبل توبته،

  لكنه مات في الطريق، ولم يصل إلى القرية الصالحة. فنزلت ملائكة الرحمة

  وملائكة العذاب، واختلفوا فيما بينهم أيهم يأخذه، فأوحى الله إليهم أن يقيسوا

المسافة التي مات عندها الرجل، فإن كان قريبًا إلى القرية الصالحة كتب في 

سجلات ملائكة الرحمة، وإلا فهو من نصيب ملائكة العذاب 
 .
ثم أوحى الله -سبحانه- إلى الأرض التي بينه وبين القرية الصالحة أن تَقَارَبِي،

  وإلى الأخرى أن تَبَاعَدِي، فكان الرجل من نصيب ملائكة الرحمة، وقبل الله

  توبته؛ لأنه هاجر راجيًا رحمته سبحانه، وطامعًا في مغفرته ورحمته.

الأمل عند الأنبياء:
الأمل والرجاء خلق من أخلاق الأنبياء، وهو اللى بيخليهم  يصروا على دعوة أقوامهم إلى الله بدون يأس أو ضيق،
على رغم اللى كانوا بيتعرضوا ليه من إعراض ونفور وأذي؛
أملا في هدايتهم

الأمل عند الرسول صلى الله عليه وسلم:
احنا عارفين لما الرسول (ص) راح الطائف واتهان وانضرب وانطرد
وقد جاله  جبريل -عليه السلام- بعد ها
وقال له: لقد بعثني ربي إليك لتأمرني بأمرك، إن شئتَ أطبقتُ عليهم الأخشبيْن (اسم جبلين فى الطائف )،
فقال صلى الله عليه وسلم: (بل أرجو أن يُخْرِجَ الله من أصلابهم من يعبد الله وحده لا يشرك به شيئًا)

الامل عند نوح -عليه السلام-
نبي الله نوح -عليه السلام- دعا قومه إلى الإيمان بالله ألف سنة إلا خمسين عامًا،950سنة بدون ملل او يأس  و كان يدعوهم بالليل والنهار.. في السر والعلن.
لم يترك طريقًا من طرق الدعوة إلا سلكه معهم أملا في إيمانهم بالله: فأوحى الله -تعالى- إليـه أنه لن يؤمن معه أحد إلا من اتبعه،
فصنع السفينة، وأنجاه الله هو والمؤمنين.

أمل يعقوب -عليه السلام-: ابتلى الله -سبحانه- نبيه يعقوب -عليه السلام- بفقد ولديْه: يوسف وبنيامين، فحزن عليهما حزنًا شديدًا حتى فقد بصره، لكن يعقوب -عليه السلام- ظل صابرًا بقضاء الله، ولم ييأس من رجوع ولديه، وازداد أمله ورجاؤه في الله -سبحانه- أن يُعِيدَهما إليه، وطلب يعقوب -عليه السلام- من أبنائه الآخرين أن يبحثوا عنهما دون يأس أو قنوط، لأن الأمل بيد الله، فقال لهم:
{يا بني اذهبوا فتحسسوا من يوسف وأخيه ولا تيأسوا من روح الله إنه لا ييأس من روح الله إلا القوم الكافرون}
وحقق الله أمل يعقوب ورجاءه، وَرَدَّ عليه بصره وولديه.

أمل أيوب -عليه السلام-: ابتلى الله -سبحانه- نبيه أيوب -عليه السلام- في نفسه وماله وولده إلا أنه لم يفقد أمله في أن يرفع الله الضر عنه، وكان دائم الدعاء لله؛ يقول تعالى: إني مسني الضر وأنت أرحم الراحمين}
فلم يُخَيِّب الله أمله، فحقق رجاءه، وشفاه الله وعافاه، وعوَّضه عما فقده.

فابحث عن الصفاء ولو كان لحظة
.. !

وابحث عن الوفاء ولو كان متعباً و شاقاً
!!

وتمسك بخيوط الشمس
حتى ولو كانت بعيده
..

ولا تترك قلبك ومشاعرك

وأيامك لأشياء ضاع زمانها
!


إذا لم تجد من يسعدك فحاول أن تسعد نفسك
..

وإذا لم تجد من يغرس في أيامك ورده
..
حاول ان تغرسها بنفسك

في الحياة أشياء كثيرة يمكن أن تسعدنا
..

وحولنا وجوهاً كثيرة يمكن أن تضيء في ظلام أيامنا شمعة
..

فابحث عن قلب يمنحك الضوء
..

ولا
تترك نفسك رهينة لأحزان الليالي المظلمة..


عش حياتك كما تشاء
00لا تنظر ابدا للوراء
00عش حياتك بحلوها ومرها
تجد نفسك بسعادة وهناء
00فما الحياة الارحله
والرحله
مهما طالت لا بد لها من الانتهاء 
00
فلماذا لا تجعلها رحله سعيده مليئه بالحب والعطاء؟

عش حياتك محبا للخير واجعل قلبك دائما معطاء 
00
احب لغيرك ما تحب لنفسك وكن دائما رمزا للصدق 

والفداء
00
لا تهتم ان يوما اخطات ولا تياس ان يوما اخفقت

فهذه الاخطاء والهفوات تتعلم معنى الثبات
عش حياتك تساعد الفقير وتناصر الضعيف ومد لهم يد العون
افتح قلبك للهداية وامش بالطريق المستقبم ولا تتبع

طريق الشيطان  هو ابليس رجيم00 اعمل بجد ونشاط

واعرف قيمة المال فما اجمل اللقمة ان كانت من مال 

حلال 00ان ضاقت عليك فلا تحزن ولا تلين

00فالله لا ينسى عبده ان كان له من الطائعين 

00فالفرج ات ولو بعد حين
 
00فما اجمل الامل فى القلوب ولو لا فسحة الامل

لضاقت الدنيا بالمؤمنين

عيش كل لحظة فى حياتك كأنها اخر لحظة عش بالامل والكفاح بالايمان بالصبر بالقوة بالحب
وقدر قيمة الحياه صدقونى الحياه ماهى الا امل من غير الامل قولولى هنعيش ازاى
هنفكر ازاى مفيش مخلوق ممكن يعيش
كان فيه سيده فى شاطىء من الشواطىء وكان فيه مد وجزر وكان فيه السمكة اللى على شكل نجمه فاللى حصل كان فيه منها كتير على الشاطىء فالست قاعده عماله تنظف سمكه سمكه
وترميها تانى فى الميه كان فيه واحد واقف ومندهش بقالها ساعات بتعمل كدا فرحلها وقالها بتعمل ىايه بنظف السمك وارميه فى المية عشان ميمتش
قالها تعرفى فيه كام الف سمكه فى كل حته كام شط عمرك ماهعرفى

تقدرى تعملى فرق اخدت واحدة كمان وقالت انا على الاقل هدى امل لسمكة واحدة

الصراحة لو قعدنا نتكلم عن االامل عمرنا ماهنخلص كلام بس يارب ااكون قدرت اوصل المعنى اللى احنا بجد محتاجينوا
نتفق من النهاردة اننا ناخد الخطوة التانية عشان تبدأ تعيشها صح ونعيشها بأمل وبإيجابية


اللهم إني أعوذ بك من العجز والكسل ] [ اللهم إليك تقصد رغبتي ، وإياك أسأل حاجتي ، ومنك أرجو نجاح طلبتي ، وبيدك مفاتيح مسألتي ، لا أسأل الخير إلا منك ، ولا أرجو غيرك ، ولا أيأس من رَوحك بعد معرفتي بفضلك