الثلاثاء، 26 أكتوبر 2010

الامل(1)



السلام عليكم ورحمة الله وبركاته
وحشتونى كتير من المرة اللى فاتت
ها يلا نبدأ مستعدين ؟ نشد همتنا ونبدأ اوعوا تشدوا اللحاف
قررنا من المرة اللى فاتت اننا نعشها بشكل تانى ونكون ايجابيين
 ولا لسه مخدناش الخطوة ؟
فاكرين كلامنا المرة اللى فاتت ولا ذهب مع الريح
مين فاكر ؟؟؟
كنا اتكلمنا عن الايجابية ؟ ياترى حد حصلوا موقف حس انه فيه فعلا انسان ايجابى ؟
عايزة اسمع .....................
فيه ناس اخدت الخطوة بالفعل وبعتتلى على الميل وسعدت جدا بمشاركتهم
مش عارفه هما معانا دلوقتى ولا ايه

وعلشان حبايبنا اللى محضروش المرة اللى فاتت هقول ملخص سريع عن المحاضرة

1-     اننا منحاولش نسمع نفسنا كلام سلبى ( كبر نفض مليش دعوة وانا مالى هو انا اللى هغير مش هقدر وغيره وغيره ) لان دا هيخسرنا انفسنا
2-     اننا نحاول اننا نكون مؤثرين فى الحياه نحاول لما نشوف وضع غلط اننا نصلحه سواء بأنفسنا او بمساعده حد (وخلى بالك ان المرء يسأل عن عمره فيما افناه ) _ من رأى منكم منكرا فليغيره )
ميز الله سبحانه وتعالى المسلم بأنه إيجابي... قال تعالى " كنتم خير أمة اخرجت للناس تأمرون بالمعروف وتنهون عن المنكر وتؤمنون بالله" هكذا ذكر الله المسلمون بأنهم يأمرون بالمعروف و ينهون عن المنكر...وهو المعنى الشرعي لكلمة الإيجابية.....
وهناك ملاحظة غاية في الأهمية...
إن القرآن الكريم أكد على أن الإيجابية ليست للرجال فقط..بل هي للرجال والنساء...
قال تعالى"المؤمنين والمؤمنات بعضهم أولياء بعض تأمرون بالمعروف وتنهون عن المنكر"...
وفي السنة النبوية الشريفة نجد أن رسولنا الكريم قد لخص لنا الدين في كلمتين بقوله" الدين...النصيحة".....

احنا لو بصينا هنلاقى ان حياتنا كلها لازم تكون ايجابيه
لازم تكون فعال مستكتش على حاجة غلط لازم تكون مؤثر تبدأ تعمل حاجة تبدأ تغير تفكيرك

عشان ربنا سبحانه وتعالى يوم القيامه هيسألك عن عمرك فيما افنيته
1-     هل ياترى
2-      
3-     اوعى تستنى حد يقولك يلا بادر انت وقولهم يلا فكر
4-     ياابن ادم ميغركش افعال ولا اقوال الناس انت هتعيش وحدك وهتموت وحدك هتدفن وحدك هتبعث وحدك هتحاسب وحدك
5-      
6-     (وكل اتيه يوم القيامه فردا )

7-     اننا عشان ننحج لازم نكون ناس صماء للأراء هدامه لانها هتأثر على همتنا
8-     اننا نحاول لما يحصل مشكله منفكرش فى المشكلة نفسها نفكر فى الحل ونحاول اننا ندرك الامور بطريقة ايجابية واتكلمنا عن تومس اديسون
9-     اذا ارت تغيير العالم ابدأ بنفسك اولا
6- ول تفكر فى اى حاجة ايجابية تفيد المجتمع او الناس اللى حواليك دور على كل طريق تعمل بيه حاجة كويسة حاجة ترضى ربنا
حاجة يوم ما ربنا يسألك تقولوا يارب انا عملت كذا وكذا

7 – حط قدامك موقف النملة والهدهد مع سيدنا  سليمان
حد قدامك موقف السيده هاجر
8 – انك يكون عندك ذكاء ايجابى فى ادراكى للامور وادينا مثل

الانسان لو ادرك الموضوع بسلبية هيوصله احساس سلبى هيتصرف بإسلوب سلبى
والانسان لو ادرك الموضوع بإسلوب ايجابى هيتصرف بإسلوب ايجابى

الطالبين اللى فشلوا
واحد قال انا فشلت لانى لو كنت ذاكرت كويس مكنش دا حصل لا انا قصرت فى كذا وكذا
ولازم المرة اللى جاية معملش كدا

والتانى قال انا منجحتش لانى فاشل لانى مش نافع لان الظروف والضغوط اللى حواليا مخلتنيش اركز فدا خلانى مجبش مجموع
شايفين التفكير والادراك

10-واخدنا ازاى تكون ايجابى واتكلمنا عن معوقات الايجابية
11-
2.
معوقات الإيجابية:
1.
الخجل من الناس.
2.
الخوف من الخطأ.
3.
اليأس السريع عند فشل المحاولات الأخرى.
4.
الشعور باستحالة مواجهة المعوقات الخارجية.

وقولنا اننا لازم يكون عندنا ثقة بالله قبل كل حاجة لان من غير توكلك على الله
مش هتحقق ذاتك
وزى ماقولنا ان الاجابية جزء لايتجزء من الامل فانا هتكلم النهاردة وموضوعنا هيكون عن الامل



لما تتكركب علينا الهموم والاحزان ويكون اللون الاسود هو اللى سائد فى حياتنا
وتكون الدموع هى لغة العيون ويكون الالم هو عنوان القلوب
ووميكنش للفرحه والبسمة اى طريق
ومبقناش نحس بطعم الحياه
ايه اللى ممكن نعمله

هل نستسلم

ولا هنحاول نغير
تعرف انك عمرك ماهتغير الا ولو كان عندك امل
ياترى ايه معنى الامل
ليه مكانه فى قلوبنا؟ ولا هو فى خيالنا؟

الامل ......... كلمة حروفها قليلة معناها كبير
الامل زى الزهرة اللى بجمالها بتجذبنا ليها وتخلينا نحاول نحافظ عليها
الامل هو قارب حياتنا اللى هيعدى بينا بر الامان
هو الشمعه اللى هتنور الظلام
بالامل هنقدر نعيش بكرة وتستمر حياتنا
الأمل كتلة من الأحلام الوردية التي لا حدود لها

لولا الأمل لماتت القلوب وكان البشر أجساد بلا أرواح

لولا الأمل لمتلاءة القلوب باليأس والقنوط

ودائما هنلاقى الأمل في القلوب المليانة بالإيمان والذكر




ها عرفنا ايه هو الامل؟

هو القوة المحركة هو الدينامو لحياتنا وانجازاتنا
 هو القوة الدافعة اللى بتشرح الصدر للعمل
 وفي وقت الضيق والأزمات ينتظر الفرج  
وبيرجع النشاط في الروح والبدن
وتدفع الكسول إلى الجد والعمل
  وبتحفز الناجح إلى مضاعفة الجهد ليزداد نجاحه  



تعالو نسأل
ايه الدافع  اللى بيخلى الفلاح يكد ويعرق ؟
طبعا أمله في الحصاد

وايه اللى يخلى التاجر يخاطر بأمواله وواحيانا يسافر فى تجارتة ويفارق اهله ووطنه؟
طبعا أمله في الربح

وايه اللى بيخلى الطالب  يجد ويسهر يثابرة  ويذاكر ؟
طبعا  أمله في النجاح

وايه اللى يخلى الجندي المحارب انه يصبر على القتال وقسوة الحرب ؟
طبعا أمله في النصر

وايه اللى بيخلى المريض يصبر على مر الدواء ؟
طبعا أمله في الشفاء

وايه اللى بيخلى المؤمن يكبت شهواته ويطيع ربه ؟
طبعا أمله في رضوان ربه وجنته.

تعرف ان
الإيمان يبعث في النفس الأمل:
فعلا دى حقيقة فالإيمان يبعث في النفس الأمل ويدفع عنها اليأس والأسى.
لان المؤمن بيشوف  أن الأمور كلها بيد الله تعالى فيحسن ظنه بالله ويرجو ما عنده من خير.

الامل ضد اليأس والقنوط لان اليأس بيحطم كل جميل فى النفوس بيهدم كل دواعى العمل

 ابن مسعود رضي الله عنه:قال " الهلاك في اثنتين: القنوط والعُجب "... والقنوط هو اليأس، والعجب هو الإعجاب بالنفس والغرور بما قدمته.

والمسلم مبييأسش من رحمة الله؛ لأن الأمل في عفو الله هو الذي يدفع إلى التوبة

قال تعالى
{ وَلا تَيْئَسُوا مِنْ رَوْحِ اللَّهِ إِنَّهُ لا يَيْئَسُ مِنْ رَوْحِ اللَّهِ إِلاَّ الْقَوْمُ الكَافِرُونَ }

ونسال ليه ربنا ربط بين الكفر وبين اليأس؟

0 التعليقات: